台式火锅 │潮歎创意8道菜高质手工火锅@Dining娜


  • 2020-06-24
(Presented by 101手工涮涮锅)

Photo:二筒

香港唔少火锅店格局统一,欠缺新意,有冇谂过食火锅都可以好似享受紧高级西餐嘅环境?每道菜都好似歎紧法式8道菜咁?走入101手工涮涮锅,即刻被佢哋型格嘅装潢和与别不同嘅新派气氛吸引住。

打开半放题餐牌,估唔到 台式火锅 都有啲似食法国8道菜嘅感觉,由前菜、主菜食起,以至时令海鲜拼盘、高级靓牛或黑毛猪,仲有创意十足嘅手工火锅拼盘,除咗精选火锅配料,特饮或酒精都可以无限追加,性价比高!

足料 台式火锅

101开业前,年轻店主专程到台湾跟火锅师傅学艺,务求炮製嘅火锅都有地道台式风味,而且全部汤底都係每日新鲜熬製。好似人气冬瓜卜卜蚬海鲜锅,就用两个几钟熬猪骨汤,饮落顺喉舒服,师傅再将冬瓜挖成冬瓜盅,放锅后再加入用来做清酒煮蚬嘅沙白蚬,汤底倍觉鲜甜!另一人气台湾香辣三杯鸡涮涮锅,就将台湾 x 四川风味crossover,做法依足台式三杯鸡,带有滷水风味,同时具麻辣香,入口惹味刺激,三杯鸡全用鸡髀肉,咬落啖啖肉!

台式火锅 │潮歎创意8道菜高质手工火锅@Dining娜
冬瓜卜卜蚬海鲜锅 用两个几钟熬成嘅猪骨汤顺喉清甜,将冬瓜盅入锅再加入肥美嘅沙白蚬,汤底倍觉鲜甜,记住要食埋个冬瓜呀!
台式火锅 │潮歎创意8道菜高质手工火锅@Dining娜
台湾香辣三杯鸡涮涮锅依足台式三杯鸡做法,同时加入辣椒乾、红油及其他香料炮製出麻辣风味,估唔到将台湾 x 四川风味crossover,惹味又刺激!而且全用鸡髀肉,啖啖肉大满足!

新登场汤底冬荫公鳕场蟹脚海鲜锅,沿用泰国厨师嘅食谱,用咗香茅、椰奶、青柠等,风味够晒正宗!每锅仲放咗450克加拿大野生鳕场蟹脚,非常足料!师傅教路,冬荫公汤配海鲜最夹!

台式火锅 │潮歎创意8道菜高质手工火锅@Dining娜
冬荫公鳕场蟹脚海鲜锅加入香茅、椰奶、青柠等煮成冬荫公汤,做法正宗,每锅落重本加入450克鳕场蟹脚,足料推介!

手工、创意、靓食材俱备

绝不将货就价,从来都係101嘅饮食理念,所以不少食客都对任食放题改观。佢哋嘅半放题火锅套餐用嘅都係真材实料,好似肉类就严选咗手切安格斯Prime Grade牛颈脊,同西班牙伊比利亚黑毛猪。店主更透露,佢哋不惜工本请专业刀手专责手切肥牛,师傅会按纹路手切,而且採用双飞切法,灼后保持软腍爽滑。

台式火锅 │潮歎创意8道菜高质手工火锅@Dining娜
手切安格斯Prime Grade牛颈脊肥牛片雪花丰富而均匀,肉质软腍嫩滑,入口即溶。

至于101特选手工火锅拼盘,除咗由师傅手工製成,简直尽显师傅嘅心思同创意。单係自创嘅墨汁「鸟结糖」同太极冬菇,无论卖相、食材crossover嘅味道都极富新鲜感。自创嘅「鸟结糖」就是将墨鱼胶混入墨鱼汁,加入冬菇粒和鸡软骨,蒸熟后切件再冷藏,手工、心思俱备!而太极冬菇就分别将黑色嘅墨汁墨鱼滑同白色嘅虾滑酿入冬菇,变成太极鸳鸯色,吸引卖相同味道都有齐!

台式火锅 │潮歎创意8道菜高质手工火锅@Dining娜
101特选手工火锅拼盘每日由师傅手工製成,台式风味糅合咗创意元素,当中嘅太极冬菇以及由墨汁墨鱼胶製成嘅「鸟结糖」最有惊喜!
台式火锅 │潮歎创意8道菜高质手工火锅@Dining娜
左起:手工即炸响铃卷、手工即炸鱼皮101特别同树记合作,用原块腐皮即炸成响铃,豆味香浓;鱼皮亦係即叫即炸,香口鬆脆!

台式特饮、酒精任饮

呢度嘅饮品都好有特色又吸睛,颜色、卖相都呃Like度高!特饮好似倒插沙冰、盆栽珍珠奶茶、水果冰茶等,仲有Sangria、cocktail、mocktail、红白酒、台湾手工啤都有,101仲同啤酒厂合作推出101自家製手工生啤,饮品有数十款,而重点係,全部都可以无限免加钱追加!当中嘅红酒更係获RP85评分,白酒亦係店长推介之选,歎住靓酒食火锅,爽!

台式火锅 │潮歎创意8道菜高质手工火锅@Dining娜
倒插沙冰、盆栽珍珠奶茶等特饮、鸡尾酒、红白酒、Sangria、台湾手工啤等全部都係任饮,回本度高!

破格摩登设计

101走新派破格路线,装修设计摩登,铜锣湾店以云石同墨绿色为主调,一盏盏金属灯饰,非常有型,感觉有别于一般火锅店。全店设有多个卡位,空间感十足,歎火锅感觉好舒服。店内设有3间VIP房,分别可容纳10至16人,其中两间可打通,最多容纳26人,包房开party一流。另有户外露台,对住维港景饮酒倾偈好写意。

台式火锅 │潮歎创意8道菜高质手工火锅@Dining娜
全店採用摩登设计,墨绿色同云石主调,配上金色吊灯,别致有型,部分座位可饱览维港景致。
台式火锅 │潮歎创意8道菜高质手工火锅@Dining娜
101铜锣湾店更设有露台,喺户外饱览维港景致,饮酒谈天,舒服自在。

烚时精选

‧ 真材实料:即使係半放题火锅,亦重本採用高质靓料,如手切安格斯Prime Grade牛颈脊、西班牙伊比利亚黑毛猪等。

‧ 心思创意:师傅花尽心机研製各式火锅配料,如墨汁「鸟结糖」、太极冬菇,创意、卖相、味道俱备。

‧ 环境摩登:全店走新派破格路线,採用有型摩登西式餐厅设计,打破一般火锅店沉闷嘅格局。

101手工涮涮锅

铜锣湾店:登龙街1-29号金朝阳中心2期29楼(5122 1883)

手工涮涮锅半自助晚市放题:星期日至四无限时任饮任食 $398/位;星期五、六及公众假期前夕 $428/位

尖沙咀店:厚福街9号地下(5399 5188)

手工涮涮锅半自助晚市放题:星期一至日(6:30pm-8:50pm;8:55pm-11:30pm,此时段Orion生啤及101自家製手工生啤任饮)$278-$288/位(视乎拼盘款式)

备注:设加一,收现金及信用卡。


上一篇:

下一篇: